පසුගිය මැයි 16 වන දා යුතුකම සංවාද කවය සංවිධානය කල ‘etca ආක්‍රමණිකයා පරදවමු සම්මන්ත්‍රණයේදී ඩි එස් අයි සමුහ ව්‍යාපාරයේ අධිපති කුලතුංග රාජපක්ෂ මහතා ඉතා වැදගත් කරුණු බොහොමයක් අප හමුවේ තැබී ය.
එතුමා මෙසේ පවසයි.
“ලඟදි ලංකාවට ආව ඉන්දියානු ඉංජිනේරුවන් පිරිසක් තඹ පිත්තල අපනයනය පිලිබඳ ක්‍රමවේදයක් හදන්න. කණගාටුයි කියන්න මේ ඉංජිනේරුවන්ට අත්සන් කරන්න පුළුවන්කමක් තිබ්බේ නැහැ. ඇඟිලි සලකුණ ගැහුවේ. මෙහෙම තත්වයක් තියෙන්නේ”
ඉන්දියන් ශ්‍රමිකයන් පිලිබඳ තිබෙන මෙවැනි ප්‍රශ්න රාශියක් විසඳාගැනීම මෙවැනි ගිවිසුම් වලට යාමට පෙර කල යුතු ඉතා වැදගත් කරුණක් බව ඒ මහතා පෙන්වා දෙයි. තවදුරටත් ඒ මහතා මෙම ගිවිසුමෙන් ලංකාවට ඇති වාසිය කුමක් දැයි කරුණු සහිතව පෙන්වන ලෙස අභියෝග කරයි.
“මේ ගිවිසුම ගැන අපි ප්‍රශ්න කරනකොට කියන්නේ ලංකාවට හරි ම වාසිදායක බව. කවුද මේවා කියන්නේ ? ඉන්දියන් මහකොමසාරිස් තුමා වගේ අය. මේගොල්ලෝ තමයි බලකරන්නේ අහවල් දවසේ ගිවිසුම අත්සන් කරන්න කියල. දේශනා පවත්වන්නේ මහනායක හිමිවරු හම්බවෙන්න යන්නේ මේගොල්ලෝ. ඔච්චර වාසියක් තියෙනවා නම් ලංකාවේ ව්‍යාපාරික අපට එපාය මේ කැක්කුම තියෙන්න මේගොල්ලන්ට නෙමෙයි නේ ? නමුත් කිසි ම විද්වතෙක් ලංකාවට මේකෙන් තියෙන වාසිය පැහැදිලි කරලා නැහැ. ඇහුවම කියන්නේ ඉන්දියාව විශාල රටක් ය ලෝකේ රටවල් හැමෝම ගිවිසුම් ගහනවය කියල. නමුත් ලංකාවට තිබෙන වාසිය මොකක් ද ?”
ලංකාවේ ව්‍යාපාරිකයන්ට සිමා බන්ධන පනවන ලංකා ඉන්දියා වෙළඳ ගිවිසුම් වලින් සිදුවන්නේ පිහිනීමේ හැකියාව ඇති ලංකාවේ ව්‍යාපාරිකයන් ගේ අතපය බැඳ ජලයට දැමීම වැනි දෙයක් බව ඒ මහතා කරුණු සහිත ව පෙන්වා දේ. මෙවැනි සැලසුම් නිර්මාණය කරන ආර්ථික විශේෂඥයන් ඒ මහතා ගේ විවේචනයට ලක් වේ.
කුලතුංග රාජපක්ෂ මහතා ගේ සම්පුර්ණ කතාව පහත සබැඳියෙන් නැරඹිය හැක.
No comments:
Post a Comment